пред 5 часа Градоначалникот на Битола, Тони Коњановски, соопшти дека ТАВ Македонија станува нов спонзор на младинскиот фудбал на ФК Пелистер.
Спонзорството има за цел унапредување на квалитетот, конкурентноста и меѓународното искуство на младите фудбалери, преку организирање контролни натпревари и учество на домашни и меѓународни турнири во текот на подготвителниот зимски период и натпреварувачката полусезона 2026.
Од ТАВ Македонија истакнаа дека поддршката претставува инвестиција во младите и нивниот развој, нагласувајќи дека од денеска логото на компанијата ќе биде присутно на новите дресови на младинските категории на клубот.
Генералниот директор на компанијата, Неџат Курт, порача дека со ова спонзорство се поддржуваат не само идните професионални фудбалери, туку и повеќе од 400 деца кои тренираат во младинските категории на клубот.
Координаторот на Првата македонска фудбалска школа на Пелистер, Марјан Секуловски, изрази благодарност за поддршката, оценувајќи дека таа ќе придонесе за развој и унапредување на младинските категории.
Со оваа соработка, како што посочи Коњановски, се потврдува значењето на општествената одговорност и поддршката на младинскиот спорт како инвестиција во иднината на Битола и македонскиот фудбал.
Би можело да ве интересира
Планинар издржа 10 дена без храна во дивината во Северна Калифорнија
Анѓушев: Да се градат електрани од разни обновливи извори, а решение за вишоците струја се „Чебрен“, батерии и водород
По инцидентот со шамарот Вил Смит се повлече од филмската Академија
Адел по шест години ќе објави нов албум
(Фото) Се продава парче од свадбената торта на Дајана и Чарлс
„Си заминав без бебето од болница, а лузните ме потсетуваат на миговите полни неизвесност“, дизајнерката Маја Кикириткова предвреме ги роди и двете деца
