(Видео) Драматичен бран украински напади: дронови ја погодија клучната руска рафинерија во Сибир, горат и воени цели на Крим

Украина изврши масовни напади со беспилотни летала длабоко во руска територија, како и врз логистичките правци, енергетската инфраструктура и воените командни места на окупираните подрачја, пренесува Киев Пост.

Најголемиот одек го предизвика нападот врз нафтената рафинерија во сибирскиот град Тиумен, лоцирана на дури 1.900 километри оддалеченост од украинската граница.

Руските власти го потврдија нападот врз рафинеријата, која со капацитет од над 7 милиони тони годишно е најголемото вакво постројка во западен Сибир. Гувернерот на Тиуменската област, Александар Мор, преку социјалната мрежа Телеграм прогласи тревога и нареди итна евакуација на вработените.

Иако гувернерот подоцна објави дека нападот е успешно одбиен, тој призна дека остатоци од собореното летало паднале во кругот на фабриката. Мор тврдеше дека постројката нема оштетувања, но истовремено им се закани со казни на граѓаните кои ќе објавуваат снимки од дејството на противвоздушната одбрана.

Drones of the Ukrainian Armed Forces reached Siberia

The Tyumen oil refinery was attacked — it is about 2,000 kilometers from the border with Ukraine.

Local authorities confirmed the attack: according to them, “debris” fell on the plant, and damage was allegedly avoided. pic.twitter.com/qi16xt8TPT

— NEXTA (@nexta_tv) June 20, 2026

Сепак, независните медиуми и локалното население ја демантираат официјалната верзија. Москоу Тајмс пренесе сведоштва на жители од населбата Антипино, кои слушнале најмалку две силни експлозии. Телеграм-каналот АСТРА анализираше видеоснимки на кои јасно се гледа густ чад како се крева над рафинеријата, како и колона од најмалку десет противпожарни возила кои итно се упатуваат кон местото.

Drones hit the Tyumen oil refinery, penetrating 2,000+ km deep into Russia.

The facility processes up to 9M tons of crude annually. pic.twitter.com/lFCz9ZVRj3

— UNITED24 Media (@United24media) June 20, 2026

Пресечени воени рути и уништени ракетни системи на југот

Овој сибирски удар се совпадна со голема ноќна операција на украинските одбранбени сили насочена против руската воена логистика на југот од Украина.

Украинската војска соопшти дека успешно е погоден автомобилскиот мост преку Хеническот Теснец во Херсонската област. Овој мост претставуваше клучна артерија за транспорт на тешка воена опрема од окупираниот полуостров Крим кон руските трупи на јужниот фронт.

Паралелно со ова, во Запорошката област, кај местото Долинске, со прецизен удар беше уништен модерниот руски противвоздушен систем Панцир-С. Украинските сили таргетираа и командни центри за управување со дронови на три локации: кај Соледар (Донечка област), Хрозове (Запорожје) и кај местото Теребрено, кое се наоѓа во самата руска Белгородска област.

On a Russian supply route deep behind the southern frontline, a Ukrainian mid-range strike drone slams into a Russian fuel tanker. pic.twitter.com/51cEf29Fss

— OSINTtechnical (@Osinttechnical) June 19, 2026

Крим: Горат термоцентрали и нафтени складишта

Окупираниот Полуостров Крим во саботните рани утрински часови беше цел на повеќекратни бранови од беспилотни летала. Сателитските снимки и локалните извештаи потврдија пожари на повеќе енергетски и сообраќајни објекти:

– Термоцентрала Тавријска: Регистрирани се два големи пожари во оваа моќна централа од 470 мегавати во близина на Симферопол.

– Складишта за нафта и гас: По силни експлозии, пламен ги зафати резервоарите на компанијата ТЕС северозападно од Бахчисарај, како и две дистрибутивни станици за гас кај селата Журавливка и Лохивка.

– Индустриски капацитети: Сателитите детектираа оган во близина на новоизградениот понтонски мост кај Хеническ, како и на железничкиот влез на големата хемиска фабрика Кримски Титан во Армјанск.

Во текот на целата ноќ, силни детонации и дејство на противвоздушната одбрана беа пријавени во Симферопол, Севастопол, Перевално и Красноперекопскиот округ, оставајќи го полуостровот во воена состојба на превирања.

Текстот (Видео) Драматичен бран украински напади: дронови ја погодија клучната руска рафинерија во Сибир, горат и воени цели на Крим е превземен од МАКФАКС.