Очоа заигра на шестото Светско првенство

Голманот на мексиканската репрезентација, Гиљермо Очоа (40), влезе во историјата на Светските првенства – настапи на својот шести Мундијал.

Очоа не беше на голот на натпреварите со Јужна Африка и Јужна Кореја, но затоа дуелот со Чесите беше совршен момент ветеранот да застане меѓу стативите.

„Сомбреросите“, по две победи во џебот, водеа со 2:0 против Чешка кога Агире ја крена легендата на тимот од клупата.

Очоа излезе на теренот во 78-та минута, заменувајќи го првиот голман Раул Ранхел, на радост на стадионот „Ацтека“, и испиша историја. Тој сега официјално е меѓу избраната група играчи кои играле на шест светски првенства, или поточно меѓу тројцата кои го постигнале тоа – сега е покрај Лео Меси и Кристијано Роналдо.

Дебитираше во 2006 година, но тогаш не играше, беше во составот четири години подоцна, но исто така не играше ниту една минута, а во 2014 ја презеде „единицата“. Тој беше прв избор на голман на Мексико и во 2018 и во 2022 година.

Вкупно, одигра 153 натпревари за националниот тим, вкупно 12 на Светските првенства.

На крајот од историската вечер за Мексико, по третата победа во третиот натпревар од турнирот, Очоа заврши во прегратките на своите соиграчи.

Првиот натпревар на ова Светско првенство веројатно беше и неговиот последен во националниот тим. Тој не можеше да посака подобар крај на неговата репрезентативна кариера.

„Неверојатно сум среќен. Завршувањето на мојата репрезентативна кариера на стадионот „Ацтека“, пред нашите навивачи и на Светското првенство, е нешто за кое можев само да сонувам. Ќе носам љубов и благодарност со себе до крајот на животот. Благодарен сум за сè што ми дадоа фудбалот и репрезентацијата. Ова беше совршен начин да се збогувам“, рече Очоа.

Foto/ EPA