Роџерс се пресели во Челзи

Англискиот фудбалер Морган Роџерс се пресели од Астон Вила во Челзи, објави клубот од Лондон.

Како што претходно објави Би-Би-Си, трансферот е вреден 117 милиони фунти, а Роџерс стана најскапиот англиски фудбалер и најголемата куповина на Челзи.

Англискиот фудбалер потпиша договор со Челзи до 2033 година.

„Многу сум возбуден. За мене, Челзи е најголемиот клуб во Лондон и клуб на кој му се восхитувам уште од детството. Имаме добар менаџер и силен тим. Затоа сум тука и едвај чекам да почнам“, рече новиот играч на Челзи.

Роџерс одигра 55 натпревари во дресот на Астон Вила минатата сезона и забележа 14 гола и 12 асистенции.

Тој одигра седум натпревари за Англија на Светското првенство и забележа една асистенција во полуфиналето против Аргентина.

На 24 август, Челзи ќе биде домаќин на Фулам во првото коло од Премиер лигата, пренесува Танјуг.