пред 3 часа Андреа Пирло е новиот селектор на италијанската фудбалска репрезентација. Службената потврда се очекува во понеделник или вторник, а според информациите, сите детали околу четиригодишниот договор се веќе договорени. Светскиот првак од 2006 и европски вицепрвак од 2012 ќе ја води „азурната“ селекција со годишна плата од 1,5 милиони евра.
Пирло стана главен кандидат откако Карло Анчелоти и Пеп Гвардиола ги одбија понудите. Анчелоти неодамна потпиша нов договор со Бразил, а Гвардиола изјави дека по десет години во Манчестер Сити сака да се посвети на семејството. Наводно, за клупата на Италија барал годишна плата од 20 милиони евра.
Светските медиуми објавуваат дека Пирло ќе потпише договор што ќе важи до крајот на Светското првенство 2030. Неговата плата од 1,5 милиони евра годишно била клучен фактор во преговорите, особено во споредба со барањата на Гвардиола.
Службената објава ќе следи откако Пирло ќе постигне спогодбен раскин со клубот United FC од Обединетите Арапски Емирати, кој го презеде минатото лето. Италијанската федерација (FIGC) има состанок во вторник, на кој се очекува официјално претставување.
Фото: Депозитфотос
Би можело да ве интересира
Маркез победи во Австрија, Алдегер со брилијантно возење заврши втор
Јувентус среде ноќ го контактирал Игор Тудор
Сампдорија го отпушти Пирло
(Видео) Венеција се врати во Серија А
Украинска насмевка на атлетскиот мундијал во Белград (ФОТОГАЛЕРИЈА)
Нигеријка освои злато во теквондо во осми месец од бременоста!
