Катастрофална казна за Челзи

Фудбалската асоцијација на Англија (ФА) воведе сериозни санкции врз Челзи по истрагата за неправилности во работењето на лондонскиот клуб.

„Сините“ беа казнети со 10 милиони фунти, или околу 11,7 милиони евра, а им беше забрането и регистрирање нови играчи во следните два трансфер периоди.

Случајот беше покренат откако сегашното раководство на Челзи, кое го презеде клубот во 2022 година, пријави само потенцијални неправилности од претходниот период. ФА го обвини клубот за дури 74 прекршувања на Правилото Е1.2, а Челзи ги призна сите прекршоци пред рочиштето.

Првичната одлука на независната Регулаторна комисија беше уште построга. На Челзи му беше изречена суспензија, одземање на шест бода до 30 јуни 2027 година, заедно со казна од 10 милиони фунти.

Сепак, лондонскиот клуб се жалеше на делот од одлуката поврзан со бодовите, а независниот Комитет за жалби ги прифати аргументите на Челзи и ја поништи санкцијата.

Наместо тоа, беше воведена условна забрана за регистрација на нови играчи во текот на два последователни трансфер периоди, исто така до 30 јуни 2027 година.

Челзи, според тоа, нема да биде казнет со одземање бодови пред почетокот на новата сезона во Премиер лигата, но забраната за трансфери би можела сериозно да влијае на плановите на клубот доколку се активира.

Foto/ Depositphotos