пред 5 часа Градоначалникот на Битола Тони Коњановски со одговорните лица за проектот денеска направија увид на градежните работи за изградба на типска училишна спортска сала во дворот на ОУ „Стив Наумов“ Битола.
„Фискултурна сала ќе биде на површина од 650 м2, а ќе биде наменета за спортски и рекреативни активности во мали спортови како кошарка, одбојка, гимнастика, ракомет, пинг понг и други спортови поврзани со училишното образование.
Објектот ќе има две секции, едната за помошни простории ( соблекувална, канцеларија и тоалети), а другата секција е фискултурна сала со димензии 15 на 30 метри и висина 7,6 метри“, известува Општина Битола.
„Вкупната вредност на проектот е 48.297.406 денари и се средства од вториот владин повик преку Министерството за образование и наука, а дел од нив од буџетот на Општина Битола.
Забавување на динамиката за изградба имаше заради потребата од измени и дополнување на проектот заради усогласеност на фазата термотехника и задоволување на параметрите за енергетска ефикасност.
Освен ова училиште, вакви типски училишни сали ќе добијат и ОУ „Тодор Ангелевски“ и подрачното училиште „Даме Груев“ во Долно Оризари“, се додава во соопштението на Општина Битола.
Текстот (Фото) Општина Битола: Три училишта добиваат типски училишни спортски сали е превземен од МАКФАКС.
Би можело да ве интересира
Откажана најавената блокада на трите гранични премини меѓу Бугарија и Македонија
Советниците на Левица во Карпош бараат итна ревизија на сите ДУП-ови
ВМРО-ДПМНЕ: Филипче тргнал по стапките на Заев, на Македонија не ѝ требаат нови предавства
Царинската управа заплени 139 килограми марихуана на граничниот премин Дојран
Јавно обвинителство: Од „Телеграм“ засега немаме добиено никакви податоци за случајот „Јавна соба 2“
(Видео) Советот за безбедност заседава во Вилата Водно за ситуацијата со Ковид-19
