(Видео) Русија со нови напади со дронови врз Киев и Суми: двајца загинати и 23 ранети

Русија во текот на ноќта меѓу 26 и 27 септември повторно изврши напади со дронови врз Киев, трет ден по ред, при што е повредена една жена и причинета е материјална штета во повеќе делови од украинската престолнина, соопштија украинските власти.

Градоначалникот на Киев, Виталиј Кличко, соопшти дека противвоздушната одбрана била активна над градот. Во Шевченковскиот округ дрон погодил ненаселена станбена зграда, по што избил пожар, кој подоцна бил ставен под контрола.

Kyiv. A strike hits the Vodafone data centre. A tall fire at the side of the road.
Communications infrastructure in the capital.
Another night.#Kyiv #Ukraine #Russia pic.twitter.com/QkM3F5InWA

— Motosierra (@KurminX) September 27, 2026

Во Соломјанскиот округ дрон паднал на отворен простор, а од ударниот бран била оштетена петкатна станбена зграда. Искршени биле прозорци и оштетена фасадата. Дрон погодил и магацин, каде што избил пожар.

Една жена била повредена во нападите и ѝ била укажана медицинска помош на местото на настанот.

NEW RUSSIAN STRIKES IN KYIV, UKRAINE

pic.twitter.com/4p0m64zKRv

— WW3 Monitor (@WW3_Monitor) September 26, 2026

Украинските власти претходно соопштија дека во дневните напади врз Киев на 26 септември биле повредени вкупно пет лица.

Напади биле извршени и врз градот Суми и околината, при што загинале две лица, а 23 се повредени, меѓу кои и четири деца. Според локалните власти, руските сили користеле и наведувани воздушни бомби.

Во нападите во Суми биле оштетени станбени објекти, градинки и административни згради, а на повеќе места избиле пожари.

Украинското воено воздухопловство соопшти дека противвоздушната одбрана соборила голем број руски дронови, но дел од леталата сепак погодиле цели во повеќе делови од земјата.

Текстот (Видео) Русија со нови напади со дронови врз Киев и Суми: двајца загинати и 23 ранети е превземен од МАКФАКС.