Окон го потврди заминувањето од Хас

Францускиот возач Естебан Окон дефинитивно го напушта тимот на Хас на крајот од сезоната.

Сепак, ова не значи дека ја завршил кариерата, иако ќе земе одмор следната година, или поточно, нема да се натпреварува во Формула 1.

„Мојата епизода во Хас ќе заврши на крајот од сезоната 2026. Го напуштам проектот со крената глава и горд на она што го направив иако околностите не беа секогаш најлесни од различни причини и поради разни фактори кои беа надвор од моја контрола“, рече Окон.

„Мојот фокус сега е само на претстојната трка, продолжувам да работам со тимот и сакам да ја искористам секоја можност и да продолжам да го барам најдоброто од автомобилот. Сè уште има многу трки до крајот на сезоната и, како и секогаш, ќе го дадам најдоброто од себе и за себе и за тимот“.

Американскиот тим се огласи со официјално соопштение, каде што нагласи дека Окон секогаш бил професионален и дека правел сè што е во негова моќ.

„Оваа година се соочивме со голем предизвик заедно поради промената на правилата, искуството во возењето на Естебан и неговите совети беа од големо значење и продолжуваме да работиме заедно за да го развиеме автомобилот“.

Окон следната сезона во Хас ќе биде заменет од Рафаел Камара, кој моментално е прв во генералниот пласман на Формула 2.

Foto/ depositphotos