Либанскиот премиер: Не сакавме војна со Израел, но ни беше наметната

Либанскиот премиер Наваф Салам денес изјави дека Либанците не сакаат војна со Израел и дека овој конфликт им е наметнат, нагласувајќи дека чекањето на мировен договор во регионот не е опција.

За време на својот говор во Набатија, тој рече дека обемот на потребите во јужен Либан „ги надминува капацитетите на државата“ и дека на земјата ѝ се потребни значителни финансиски ресурси.

„Чекањето на големо регионално решение не е опција за нас, бидејќи може да дојде, а може и да не дојде, или може да биде на наша штета“, рече Салам.

Според него, потребно е да се мобилизираат ресурси за да се постигне повлекување на Израел и да се изгради држава со силна армија.

Тој рече дека приоритетите на владата се запирање на агресијата и повлекувањето на Израел, како и враќањето на либанските граѓани во нивните градови.

Текстот Либанскиот премиер: Не сакавме војна со Израел, но ни беше наметната е превземен од МАКФАКС.