пред 5 часа Општина Битола започнува со организација на буџетски форуми преку кои граѓаните ќе имаат можност да се вклучат во планирањето на општинскиот буџет за 2027 година и да ги посочат потребите и приоритетите на својата заедница.
Првата работна сесија ќе се одржи на 19 октомври 2026 година, со почеток во 12 часот, во Офицерскиот дом во Битола. Поканата е отворена за сите заинтересирани жители што сакаат со свои идеи и предлози да придонесат во подготовката на буџетот.
Форумите се можност за непосреден дијалог меѓу граѓаните и локалната самоуправа. Преку учеството, битолчани ќе можат да укажат на проблемите со кои се соочуваат во секојдневието, да предложат решенија и да разговараат за тоа кои потреби треба да добијат приоритет во наредната година.
Од Општината го истакнуваат значењето на транспарентноста и вклученоста на јавноста во буџетскиот процес. Целта е планирањето на општинските средства да се темели и на предлозите на луѓето што живеат и работат во заедницата.
Општина Битола ги повикува граѓаните активно да се вклучат во првата форумска сесија и да дадат свој придонес во утврдувањето на приоритетите за 2027 година.
Би можело да ве интересира
Елон Маск и Сем Алтман во жестока војна на суд: „Побара 90% од OpenAI“, „Тој е опасност за светот“
(Видео) Алма Купер е новата Мис на САД
Крунисан британскиот крал Чарлс Трети
Од рак почина актерката Џосара Џинаро
Хороскоп за 29 ноември: Ден со бизнис предизвици за Бикот, а Ракот ќе ужива во љубовта
Руски природен лек за подобрување на имунитетот
