(Видео) Русите погодија товарен брод во близина на Одеса

Руското Министерство за одбрана соопшти дека неговите сили погодиле товарен брод што се упатил кон украинското пристаниште Одеса, пренесе државната новинска агенција РИА, додека украинските власти известија дека шест лица се повредени во руските напади врз Украина.

Од Министерството тврдат дека бродот превезувал воен товар наменет за украинската војска.

Руските сили, исто така, ја погодиле инфраструктурата на три пристанишни места во пристаништето Чорноморск, наведуваат од Министерството.

🇷🇺🇺🇦 During the night, "Geran" drones launched an attack on the Odesa, Chernivtsi, and Kharkiv regions. https://t.co/SD3JOmg5ll

— SVO ZONE 👍🇺🇸 🇷🇺 (@AMoczas93932) October 26, 2026

Руското Министерство за одбрана исто така извести за напад врз електрана во Харков – вториот по големина град во Украина – како и врз складиште во околниот регион и уште една електрана во регионот Хмељницки.

Четири лица се повредени во руски напад извршен во текот на ноќта врз украинскиот град Запорожје, во југоисточниот дел на земјата, објави регионалниот гувернер Михајло Семикин на Телеграм.

Уште две лица се повредени во руски напади врз регионот Чернигов, соопшти Државната служба за вонредни состојби на Украина преку Телеграм.

Текстот (Видео) Русите погодија товарен брод во близина на Одеса е превземен од МАКФАКС.