пред 4 часа Еден од фаворитите за освојување на титулата во НБА, Оклахома Сити Тандер,најверојатно остана до крајот на сезоната без една од најголемите ѕвезди, Џејлен Вилијамс, како и без Кејсон Волас, еден од најдобрите дефанзивци во НБА.
Вилијамс има двојна повреда, претрпе фрактура на фибулата, една од двете коски на потколеницата, и претрпе дислокација на левиот зглоб на глуждот. Се повреди кога се обиде да забие, но незгодно слета во финишот од натпреварот со ЛА Клиперс. Потребна е операција, а прецизна проценка за времетраењето на закрепнувањето ќе се знае потоа.
Волас го повреди лабрумот, ‘рскавичниот сврзувачки прстен што ја продлабочува чашката на рамениот зглоб и помага рамото да остане стабилно. Закажана е операција и за него, а неговото враќање во текот на оваа сезона е неизвесно.
Џејлен Вилијамс играше во Ол-стар тимот во 2025 година, е еден од најдобрите кошаркари во Западната конференција. Тој е втората напаѓачка опција кај Тандер, по Шеј Гилџес-Александер, додека Кејсон Волас беше избран во вториот одбранбен тим на НБА минатата сезона.
Генералниот менаџер на Тандер, Сем Прести, нагласи дека колкав период ќе отсуствуваат овие двајца, ќе биде познато по операциите.
Би можело да ве интересира
УЕФА го укинува правилото што ги збунуваше навивачите со години
(Видео) Тотенхем победи и остана во опсната зона, Вест Хем славеше со гол во 91-та минута
Хамилтон скршен – неговото куче Роско заврши во индуцирана кома: „Не знаеме дали ќе се разбуди“
„Ѓоковиќ е Леброн на светскиот тенис, а Синнер и Алкараз се како Битлси и Ролинг Стоунс“
Касано: Анчелоти имаше многу среќа против Челси и ПСЖ
Капитенската лента на Роналдо продадена за 64.000 евра
