Сериозна повреда на Мануел Нојер

Капитенот на Баерн, Мануел Нојер, претрпе сериозна повреда и го чека долго закрепнување. Германскиот клуб потврди дека Нојер делумно скинал тетива во десното стапало. Се проценува дека нема да се врати на теренот до крајот на годината.

Нојер се повреди во победата на Баерн од 2:1 против Мајнц во саботата, кон крајот на првото полувреме.

Баерн официјално не објави колку долго нивниот голман ќе биде надвор од теренот. Германските медиуми ги презентираат своите проценки, па „Скај Германија“ наведува дека паузата би можела да трае околу шест недели, додека „Билд“, споменува отсуство од приближно два месеци.

Нојер веќе имаше проблеми со воспаление на тетивата претходно оваа сезона. Во натпреварот против Мајнц, тој постави нов клупски рекорд како најстар играч што играл за Баерн во Бундеслигата, со 40 години и 225 дена.

Со тоа, тој се искачи на седмото место на листата на најстари играчи во историјата на германската лига. Додека е отсутен, Јонас Урбиг треба да го замени на голот на Баерн. Договорот на Нојер истекува на крајот од сезоната, по што се очекува да се пензионира.

Foto/ Depositphotos