Раул Гонзалес го напушти РК Партизан

Во ист ден, ракометниот клуб Партизан остана без претседателот на Управниот одбор, тренерот, Раул Гонзалез и еден од најдобрите ракометари, Милош Кос.

Партизан прво издаде соопштение за распуштањето на Управниот одбор, а потоа ја објави ситуацијата со Гонзалез, кој повеќе нема да ги води црно-белите.

„Шпанскиот стручњак Раул Гонзалез повеќе не е тренер на Партизан. По денешниот состанок на Управниот одбор и оставката на претседателот Миљан Жугиќ, беа одржани состаноци со тренерскиот штаб и играчите, на кои се разговараше за претстојниот период до формирањето на новиот Управен одбор.

Стратегот кој дојде на чело на клубот во текот на летото и го водеше тимот во Лигата на шампионите донесе одлука да го раскине договорот со црно-белите во новата ситуација, па тимот до крајот на сезоната ќе го води досегашниот помошник Марко Павловиќ, со поддршка на кондицискиот тренер Марко Исаковиќ, тренерот на голманите Михаил Радосављевиќ и физиотерапевтот Филип Цветиќ.

Ракометниот клуб Партизан му се заблагодарува на Раул Гонзалез за досегашната соработка и му посакува среќа и успех во продолжението на тренерската кариера“, се вели во соопштението за медиумите на Партизан.

Во изминатите неколку дена, Гонзалез ја предводеше Србија до две победи во квалификациите за Европското првенство (против Естонија и Украина), а разделбата со Партизан дојде по едно реми и пет порази во Лигата на шампионите, иако е јасно дека резултатите не се причина за разделба.

Останува да се види под кои услови Гонзалез и Партизан се разделија, бидејќи тоа сигурно не беше планот ова лето.

Веднаш по тренерот од клубот си замина и левиот бек, Милош Кос. Тој дојде на почетокот на годината како големо засилување. Инаку, Кос кариерата ќе ја продолжи во Вецлар.

Foto/ Topsport, arhiva