Црна Гора во 91-та минута влезе во Б-дивизијата

Фудбалерите на Црна Гора ја победија Латвија со 2:1 во петтото коло од Ц дивизијата на Лигата на нации.

Црногорците го освоија првото место во групата, се пласираа во Б дивизијата и што е многу поважно, обезбедија бараж натпревари за пласман на Европското првенство.

Високите влогови и притисокот си го направија своето, па домашните фудбалери влегоа во натпреварот со забележлива доза на нервоза. Ова најдобро се одрази во големиот број фаули и картони.

Никола Крстовиќ и Сеад Хакшабановиќ заработија јавни опомени, додека искусниот Стефан Савиќ мораше да оди во соблекувалната рано во 57-та минута, откако судијата му покажа втор жолт картон, со што ги остави своите соиграчи на цедило.

И покрај тоа што имаше играч помалку, Црна Гора прва поведе, благодарение на својот најдобар напаѓач. Никола Крстовиќ одлично реагираше на првата статива, погоди со глава по центаршутот на Марко Јанковиќ.

Се чинеше дека домаќинот ги има сите конци на играта во свои раце, но Латвија успеа да се врати во натпреварот и да го замолчи стадионот кај Горица. По еден корнер, Мелникс го совладаа Балша Поповиќ.

Потоа Црна Гора тргна на „сè или ништо“, се редеа шанси пред голот на гостите, а наградата за упорноста стигна во првата минута од судиското продолжение.

По шутот на Вуковиќ, топката ги погоди двата стативи и практично танцуваше по гол-линијата, дебитантот Алекса Мараш се најде на вистинското место и да ја смести во мрежата за онечни 2:1.

Foto/ FSCG