(Видео) Десетици илјади Чеси на протест во Прага: стравуваат дека владата ќе ја загрози независноста на јавните медиуми

Десетици илјади Чеси протестираа во Прага против планот на владата за укинување на таксата за јавните медиуми и нивно финансирање од државниот буџет. Демонстрантите и критичарите на предлогот стравуваат дека со ова ќе се загрози независноста на јавниот телевизиски и радиодифузен сервис и ќе се отвори простор за политички притисоци.

Протестот се одржа во паркот Летна, со поглед кон чешката престолнина, каде што брзо се исполни просторот пред бината, а големи гужви имаше и на околните метро-станици. Собирот беше организиран во пресрет на 17 ноември, празник со кој во Чешка се одбележува Кадифената револуција од 1989 година, кога беше соборена комунистичката власт.

Hundreds of thousands people gathered in Prague on Sunday afternoon to protest against Czech government and its efforts to change funding of public media and bring it under state control. According to police, Letná Plain is completely full & demonstration is larger than in spring https://t.co/y149qI2AWW

— Filip Nerad (@FilipNerad) November 15, 2026

Опозициските партии го споредија владиниот предлог со промените во медиумскиот систем во Унгарија за време на поранешниот премиер Виктор Орбан, обвинувајќи дека сличен модел би можел да ја поткопа независноста на јавните медиуми.

Pohled z dronu – Letná proti 4:36, za média veřejné služby. https://t.co/yrxARlIm28

— Michal Kubal 🇨🇿 (@MichalKubal) November 15, 2026

Владината коалиција, предводена од премиерот и милијардер Андреј Бабиш, предлага укинување на месечната такса од 205 круни, односно околу 8,39 евра, со која граѓаните сега ги финансираат јавната телевизија и радио. Наместо тоа, медиумите би се финансирале директно од државниот буџет. Предлог-законот го помина првото читање и чека понатамошна расправа.

Вработените во чешката јавна телевизија и радио веќе протестираа против промените со еднодневен штрајк на почетокот на ноември, поради кој имаше ограничувања во програмата. Нивниот протест го поддржаа и уметници и студенти.

Критичарите предупредуваат и дека предложеното намалување на финансирањето за 15 проценти би го вратило буџетот на јавната телевизија на номиналното ниво од 2008 година, а на радиото на нивото од 2005 година.

Од друга страна, премиерот Бабиш тврди дека владата само го исполнува ветувањето за намалување на финансискиот товар врз граѓаните. Владејачката коалиција, во која има и десничарска и евроскептична партија, ги обвинува јавните и приватните медиуми за пристрасност.

Текстот (Видео) Десетици илјади Чеси на протест во Прага: стравуваат дека владата ќе ја загрози независноста на јавните медиуми е превземен од МАКФАКС.