Мира Андреева без загубен сет го освои ВТА финалето

Мира Андреева го освои финалето на ВТА турнирот во Индијан Велс. Русинката ја победи Украинката Елина Свитолина со 7:5, 6:3 за еден час и 49 минути.

19-годишната тенисерка која живее во Кан стана првата тинејџерка што го освоила завршниот турнир од 2004 година, кога победи нејзината сонародничка Марија Шарапова.

Андреева зад себе импресивна недела, во која не загуби ниту еден сет против најдобрите тенисерки во светот. Круната на одличниот настап дојде во финалето против Свитолина, која ја победи со многу самодоверба во клучните моменти.

Првиот сет донесе голема борба. Русинката спаси три брејк топки и не ѝ дозволи на противничката да ја преземе контролата. Свитолина успеа да се врати од 5:3 на 5:5, но Андреева веднаш одговори со брејк, а потоа го доби сетот со сигурен сервис.

Украинката го загуби сервисот на почетокот на вториот сет, но брзо успеа да ја врати неизвесноста. Иако Свитолина повторно го подигна нивото на игра и имаше голема поддршка од публиката, Андреева продолжи да го диктира темпото.

На крајот, Русинката поведе со два брејка, но Свитолина успеа да намали на 4:3 во најдолгиот гем во мечот. Сепак, Андреева не дозволи пресврт и мирно го приведе финалето кон крај.

Покрај престижниот трофеј, Андреева освои и значајна парична награда. За победата во финалето, таа доби 1,64 милиони долари, додека вкупно за време на турнирот заработи 3,37 милиони долари.

Русинката беше наградена и со трофејот „Били Џин Кинг“, кој ѝ го врачи еден од основачите на организацијата ВТА. Покрај тоа, таа доби виолетов кабриолет „Mercedes-Benz SL 550“.

Андреева, со триумфто во финалето се придружи на исклучително одбраното друштво тинејџерки кои го освоија Финалниот Мастерс. Пред неа, тоа го направија Крис Еверт (1972), Трејси Остин (1980), Штефи Граф (1987), Габриела Сабатини (1988), Моника Селеш (1990, 1991 и 1992), Мартина Хингис (1998), Ким Клајстерс (2002) и Марија Шарапова (2004).

Foto/ EPA