Можност за изградба на сопствен дом: Општина Битола продава градежно земјиште за куќи

Можност за изградба на сопствен дом: Општина Битола продава градежно земјиште за куќи

пред 1 час

Граѓаните и компаниите заинтересирани за купување земјиште за изградба на куќи можат да се пријават на јавниот оглас што го објави Општина Битола. Неизграденото градежно земјиште е во државна сопственост, а продажбата ќе се спроведе преку електронско јавно наддавање.

Земјиштето е предвидено за изградба на објекти со намена А1 – домување во станбени куќи, согласно важечката урбанистичка документација.

Право на учество имаат заинтересирани домашни и странски физички и правни лица кои, согласно законските прописи, можат да стекнат сопственост на градежно земјиште во Македонија. Учесниците треба да ги исполнуваат условите од огласот и навреме да ја достават потребната документација.

Како се поднесува пријавата?

Крајниот рок за пријавување е 14 декември 2026 година. Пријавите се поднесуваат исклучиво по електронски пат, преку информацискиот систем за управување со градежно земјиште на www.gradezno-zemjiste.mk.

Заинтересираните можат да ги проверат условите за учество, потребните документи и останатите детали во целосниот јавен оглас на Општина Битола.

Постапката за продажба ќе се одвива според условите и правилата утврдени во јавната објава.

Share
Scroll to Top