Тоневски се сретна со основци од Пробиштип: Учениците се запознаа со работата на Општината

Тоневски се сретна со основци од Пробиштип: Учениците се запознаа со работата на Општината

пред 39 минути

Ученици од четврто одделение при ООУ „Никола Карев“ ја посетија Општина Пробиштип, каде што се запознаа со работата на градоначалникот, општинската администрација и надлежностите на локалната самоуправа.

За време на посетата, учениците разговарале со градоначалникот Тони Тоневски и поставувале прашања поврзани со секојдневните активности и предизвици на Општината.

Тоневски во својата објава посочи дека средбата била исполнета со љубопитност, детски размислувања и интересни прашања. Тој изрази задоволство што младите уште од најрана возраст покажуваат интерес за случувањата во својата средина.

„Нивните идеи и предлози се потсетник дека треба да создадеме можности секое дете да биде слушнато и охрабрено да размислува, предлага и создава“, порача градоначалникот.

Тоневски им се заблагодари на учениците и нивните наставници за посетата, дружењето и позитивната енергија што ја донеле во Општината.

Тој ги охрабри учениците да продолжат да бидат љубопитни и да ги развиваат своите идеи, нагласувајќи дека нивните знаења и соништа се важен дел од иднината на Пробиштип.

Share
Scroll to Top