пред 5 часа Вицепремиерот Александар Николоски соопшти дека градежниот сектор бележи раст од 14,6 проценти во четвртиот квартал од 2025 година, истакнувајќи дека во земјата се реализираат бројни капитални проекти.
„Раст од 14,6% бележиме во време кога ги градиме капиталните проекти, автопатите, железницата, регионалните и локални патишта и голем број комунални проекти“, напиша Николоски на Фејсбук.
Тој посочи дека градежништвото бележи континуиран пораст во текот на 2025 година.
„Особено ме радува фактот што градежништвото е во континуиран пораст и тоа во 2025 година во третиот квартал имавме 21% раст, а четвртиот квартал бележиме 14,6% раст (и покрај зимскиот период каде поради природните услови градежните активности се намалуваат)“, наведува Николоски.
Според него, Македонија е меѓу земјите со најголем раст на БДП, при што во четвртиот квартал економијата пораснала за 3,8 проценти.
„Македонија се гради и се развива – следуваат нови инфраструктурни проекти“, објави Николоски на својот Фејсбук профил.
Текстот Николоски: Градежништвото повторно со двоцифрен раст е превземен од МАКФАКС.
Би можело да ве интересира
Дурмиши: Со системски мерки и партнерство ја намалуваме неформалната економија и го јакнеме формалниот сектор
Мицкоски најави нова инвестиција во Штип
Деспотовски за инвестицијата на „Авеста Батерис“: Ме радува што се’ се одвива според договорoт што го потпишавме лани
Митева: Никогаш не било полошо, само 20 отсто раст на БДП за 7 години власт на СДС и ДУИ
Од јануари струјата нема да поскапи, Бектеши очекува пониска прфитна маржа од новиот универзален снабдувач
(Видео) Ковачевски: До 2023 намалување на персоналниот данок во ИТ од сегашни 10 на 0 проценти
