пред 6 месеци Најдобро органско вино на Балканот за 2024 година е „вранец“ на винарницата „Брзанов“ од Скопје. Трофејот го доби во конкуренција на повеќе од 1.200 вина од Турција, Грција, Бугарија, Романија, Молдавија, Албанија, Косово, Србија, Црна Гора, Хрватска, Грузија и од Украина на 13. балкански меѓународен вински натпревар и фестивал, кој се одржа во Турција и Бугарија.
„Среќен сум што објавувам дека ‘вранец органски еликсир 2020’, без сулфурен диоксид, е најдобро органско вино на Балканот за 2024 година. Ова е нашата втора награда за трофеј по најдоброто суво црвено вино 2021 за ‘занаетчиска сира 2016’“, објави Антонио Брзанов, сопственик на винарницата „Брзанов“.
По наградата, најави дека ќе го зголемат органското производство со повеќе сорти грозје.
Винарницата постои од 2004 година, има капацитет од 50.000 литри и има над 27 етикети бели, црвени, оринџ, ликерни и органски вина.
На годинешниот балкански вински натпревар, заедно во „вранецот“ на Брзанов, наградени беа 162 македонски вина.
Текстот „Вранецот“ без сулфурен диоксид на винарницата „Брзанов“ избран за најдобро органско вино на Балканот е превземен од МАКФАКС.
Би можело да ве интересира
Народната банка објавува повик за пријавување трудови за 50. сесија на Клубот на истражувачите
Битиќи се сретна со британскиот комесар за трговија за Европа, Крис Бартон
Грчкиот телекомуникациски оператор Wind Hellas стана дел од Јунајтед Груп
„Фолксваген“ го намалува производството поради ширење на коронавирусот меѓу работниците на неговата партнерска компанија
TOYOTA RAV4 -oд прв во светот до најдобар во светот и во Македонија
„Рајанер“ и „Изиџет“ ќе им ги вратат парите на патниците за откажаните летови во Италија
