пред 3 години Надлежната Собраниска комисија го усвои Предлог Законот за работни односи и даде зелено светло од први јануари да почне примената на законското решение недела да биде неработен ден, информира портпаролката на СДСМ, Богданка Кузеска.
„Во интерес на работниците очекуваме Законот биде усвоен и на пленарна седница. СДСМ стои зад работниците, сакаме заеднички да овозможиме позадоволни и попродуктивни работници и работнички на пазарот на труд од кои придобивки имаат сите“, нагласи Кузеска.
Таа посочи дека недела неработен ден и поголема минимална плата се социјалдемократски политики и затоа СДСМ со партнерите од Владата, како што кажа, поднеле и силно ги поддржуваат измените на законите во интерес на работниците.
„Со вклучувањето на Алтернатива се создадоа нови можности, зголеменото и стабилно парламентарно мнозинство да ги порази блокадите и опструкциите на опозицијата, да се обезбеди повисока минимална плата, а недела да биде неработен ден“, објасни портпаролката на СДСМ.
Кузеска се осврна и на последното барање на Сојузот на синдикатите за потпишување на Општиот колективен договор за вработените во јавниот сектор и К-15 за сите вработени.
„Како социјалдемократска влада, нашата интенција е сите вработени да бидат третирани подеднакво и затоа се прават напори да се обезбедат финансиски средства за регрес за годишен одмор (К-15)“, истакна портпаролката додавајќи дека заедништвото е тоа што ќе не’ донесе до подобар живот и повисок економски стандард за сите граѓани.
Би можело да ве интересира
„Радоста на постоењето” – нова мотивациска книга во издание на „Паблишер”
Лилиана Танги: Европското подобро утре, им припаѓа на сите граѓани започнувајќи од Стразбур до Скопје
Обвинителство: Експертите од Германија ќе стигнат во земјата во следните неколку дена
МВР: 23 казни за непочитување на полицискиот час и 609 за неносење маска
Димитров и новоименуваната романска амбасадорка разговараа за продлабочување на соработката
52 казни за брзо возење во Охрид
