пред 1 година Нова елитна населба „Комплекс Планет“ почна да се гради во Сарај. Проектот беше денеска промовиран, а освен функционери на настанот присуствуваа и инвеститорите на проектот Валдета Касапи, Самет Мисими и Џемил Шабани.
Според градоначалникот на Скопје, Петре Шилегов, ова е првата населба во Скопје која нуди поинаков концепт на живеење и првата елитна населба од овој вид која се гради.
Тој изрази надеж дека комплексот дека ќе биде вистински пример за успешен проект кој може да се реализира преку соработка на приватниот сектор, државните институции и локалните самоуправи.
„Комплексот Планет“ е елитна населба која ќе се простира на површина од 15 хектари, лоцирана помеѓу реките Вардар и Треска, во близина на езерото Треска. Со истиот се предвидени изградба на елитна населба со вили, паркови, спортски игралишта и центри, градинки, ресторани, маркети, фитнес и спа-центри и др.
