Ги поставија своите судии и почнаа со репресијата, велат од СДСМ

Криминалната власт почна со репресијата врз функционерите на СДСМ со нарачни судски пресуди, велат од СДСМ.

„Како што најавивме, ги поставија своите судии и обвинители и тргнаа.

Нема повеќе независно судство ниту независно обвинителство. Сѐ ставија во своите канџи.

По носењето Декрет и забраната за слобода на говор со предавничката Резолуција гледаме нарачани судски пресуди и законски казни за функционерите на СДСМ, како што денеска е осуден поранешен директор на затворот Филип Андонов и член на Извршниот одбор на партијата.

ВМРО-ЗНАМ ја активираа последната фаза од својата кампања – фазата на репресија и политички прогон“.

На објавените скандали, пријави за криминал и корупција од СДСМ, како што посочуваат од оваа партија, никој не реагира.

„А сега лесно и брзо носат пресуди, затоа што така им е наредено.

Додека вистинските криминалци од власта на ВМРО и ЗНАМ се богатат преку криминални тендери, се обидуваат да ја запрат нашата борба со нарачани судски пресуди и политички прогон.

Нема да ја запрат нашата борба.

Нема да нѐ запрат ниту тие, ниту оние што одвнатре ја подриваат партијата.

Никој! Сите ќе одговарате!

Работата не е завршена“.

Текстот Ги поставија своите судии и почнаа со репресијата, велат од СДСМ е превземен од МАКФАКС.