пред 2 часа Владата ги продолжи мерките за намалување на данокот на додадена вредност (ДДВ) за дизелот, како и за намалување на акцизата со рок на важење до 2 ноември 2026 година, објави преку социјалните мрежи министерката за финансии, Гордана Димитриеска-Кочоска.
Според неа, целта на ваквата одлука е ублажување на ценовните притисоци врз малопродажните цени на нафтените деривати и намалување на финансискиот товар врз граѓаните и стопанството.
„Продолжува мерката за намалено ДДВ за дизелот и акцизата до 2 ноември 2026 година
Владата ја продолжи мерката за намалување на ДДВ за дизелот од 18% на 10%, како и за намалување на акцизата за горивата до 2 ноември 2026 година.
Со оваа мерка придонесуваме за ублажување на ценовните притисоци врз малопродажните цени на горивата и намалување на финансискиот товар врз граѓаните и стопанството“.
Најави дека Владата продолжува внимателно да ги следи состојбите на меѓународните пазари и да преземе навремени мерки за заштита на животниот стандард и зачувување на економската стабилност.
Текстот Димитриеска-Кочоска: Продолжена мерката за понизок ДДВ за дизелот и намалена акциза до 2 ноември е превземен од МАКФАКС.
Би можело да ве интересира
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
Без струја делови од општините Илинден, Чучер Сандево и Ѓорче Петров
Измените на изборните правила се брутален напад врз демократијата, смета Демократскиот сојуз
Подготовките за пописот се интензивираат
Премиерот Зaев денеска ќе се вакцинира
Приведени две лица од Врапчишта, затворен угостителски објект
