Лиценците беа параван за милионски бизнис – Единствена Македонија предлага државата да го преземе одгледувањето марихуана

Единствена Македонија го реафирмира својот став од 2017 година кога беше легализирано одгледувањето на дрога во Македонија. Oд партијата предлагаат до владата марихуната за болните да ја одгелдува, обезбедува и да биде под контрола на државата.

„Давањето лиценци за дрога за наводно медицински цели на приватни компании беше вешто затскривање зад алтруистички мотиви а во реалноста се работеше за исклучиво профитабилен бизнис во милиони евра. На пример, денеска фирмите на Зоран Заев се најголемите одгледувачи на дрога во повеќе региони во државата а иронијата да биде поголема токму Заев како премиер во тоа време самиот си додели лиценца за производство и трговија со марихуана. Поврзано со ова, 2019 беше година кога Заев станува главен дилер на дрога во Македонија и самиот објави профит од 100 милиони евра на телевизиско гостување на телевизијата „Канал 5“ со тогашниот опозционер а сегашен премир Христијан Мицкоски“, велат од партијата.

Единствена Македонија во интерес на вистината бара да бидат објавени основачите на фирмите за дрога, како и потеклото на имотот на овие лица бидејќи, како што велат, тогаш се објавија инвестиции за дрога и по 40 милиони евра и најбитно, менување на законската регулатива во смисла државата да биде единствениот субјект во правниот промет кој ќе одгледува и обезбедува марихуаната за болните.

Текстот Лиценците беа параван за милионски бизнис – Единствена Македонија предлага државата да го преземе одгледувањето марихуана е превземен од МАКФАКС.