пред 3 години Лидерот на ВМРО-ДПМНЕ, Христијан Мицкоски, денеска е во посета на Штип од каде порача дека на средбата со невладината организација „Гласен текстилец“ бил запознаен со проблемите со кои што се соочуваат текстилните работници и работнички.
„До крајот на 2020-та година, 31 декември, повеќе од 7.000 текстилни работници останале без егзистенција, останале без своето работно место. Сето она кое што претставува предизвик во работењето можевме детално да го слушнеме и ние како ВМРО-ДПМНЕ ќе бидеме гласни во Парламентот и во овој следен шести пакет помош мерки кои што треба да бидат исплатени ќе бараме и ќе инсистираме да барањата на текстилните работници посебно бидат вклучени во тој шести пакет“, порача Мицкоски и додаде дека очекува Владата да не биде лицемерна и да го подржи предлогот на ВМРО-ДПМНЕ.
Мицкоски во Штип посетил и, како што рече, успешен семеен бизнис, нагласувајќи дека малите претпријатија се оние што во држави во доменот на Македонија практично го зголемуваат производството и ја зголемуваат економијата.
Партискиот лидер најави дека во Штип му претстојат средби и со здравствените работници, со образовните работници и неколку партиски состаноци.
Би можело да ве интересира
Обвининение за тројца гинеколози кои на родилката во Струга и’ отстранија здрави органи
Пендаровски – Ангеловска-Бежоска: Успешно се одржува макроекономската стабилност, економијата постепено закрепнува
Од денеска стартува зимската служба на Град Скопје
Работник загина во фирма во Скопје, врз него паднала бандера
СДСМ: ВМРО-ДПМНЕ го поткопува здравствениот систем
Владата не ги усвои новите мерки против коронавирусот, прво треба да се смени законот
