Османи-Кофод: Данска останува силен поддржувач на евро – интегративните перспективи на Северна Македонија

пред 6 месеци

Министерот за надворешни работи Бујар Османи имаше видео средба со министерот за надворешни работи на Кралството Данска Јепе Кофод.

Главна тема на разговорот беа европските перспективи и очекувањата, до крајот на оваа година, да се одржи Првата меѓувладина конференција. Во таа смисла, министерот Османи ги поздрави заложбите на Данска за одржување на динамиката во процесот на проширување на ЕУ, според воспоставените критериуми и се заблагодари за принципиелната поддршка за евроатланската и европската перспектива на Република Северна Македонија.

Данскиот МНР Кофод ги поздрави остварените резултати на нашата Влада, со цел зајакнување на демократијата и владеење на правото, при што ја подвлече нужноста од континуирана и посветена имплементација на европските стандарди и реформските цели. Тој порача дека Данска останува силен поддржувач на евро – интегративните перспективи на Република Северна Македонија со верба дека наскоро и формално ќе отпочнат преговорите за пристапување во ЕУ.

На разговорот беа разгледани можностите за натамошно интензивирање на соработката имајќи ги предвид потенцијалите во повеќе сфери од заемен интерес, како и предизвиците за справување со пандемијата, нелегалната имиграција и актуелните состојби во Регионот.

Share

WCOStream watch anime online: Attack on Titan Season 3 Part 2 (Dub) (https://wcostream.cc/m/qGbV) Episode 10

AnimeDao attack on titan animedao: Naruto: Shippuden Episode 500

Scroll to Top