пред 4 години Министерот за надворешни работи, Бујар Османи, денеска и утре, ќе учествува на редовниот состанокот на Северноaтлантскиот совет на НАТО на ниво на министри за надворешни работи, кој, поради рестрикциите наметнати од пандемијата, ќе се одржи преку видеоврска.
Во согласност со дневниот ред, предвидено е на состанокот министрите за надворешни работи на земјите членки да дискутираат за приоритетни прашања на НАТО, како и за актуелните предизвици со кои се соочува: состојбите во Авганистан, влијанието на глобалните геостратешки односи врз безбедноста на евро-атлантската област, како и пошироката регионална стабилност.
Министрите ќе го разгледаат и извештајот со наслов „НАТО 2030“, што ги рефлектира стратешките потреби и предизвици за алијансата во наредната деценија, а предвидено е да бидат одобрени и неколку одлуки во врска со темите што се предмет на дискусија во рамките на НАТО.
Во рамките на состанокот Османи ќе се обрати на првата работна сесија, што ќе биде негов прв настап на Северно-атлантскиот совет од стапувањето на должноста министер за надворешни работи.
Би можело да ве интересира
Џафери – Левиц: Mакедонски воен контингент ќе биде распореден во Латвија во јуни
Џафери со европратениците Шидер, Кучук и Валсман разговараше за европските интеграции
Филипче: Имаме доволно вакцини, нема да нарачуваме од Србија
Лице од Унгарија уапсено на скопскиот аеродром
Македонија добива 800.000 дози од Фајзер, 5.850 стигаат во февруари
Филипче: Со измена на програмата за имунизација чекор поблиску до ковид вакцината
