Пратеникот Филипче никаде го нема кога се дискутира за суштински прашања за граѓаните и државата во македонското Собрание, велат од ВМРО-ДПМНЕ

Венко Филипче го нема никаде кога треба да се дискутира и разговара за разни прашања кои ги засегаат граѓаните и државата, реагираат од ВМРО-ДПМНЕ.

„Венко Филипче, како пратеник кој зема плата од даноците кои ги плаќаа македонските граѓани, не зел збор за ниту една суштинска дебата во Собрание, не учествувал безмалку на сите седници наменети за пратенички прашања.

Го немаше да дискутира во Собрание ниту вчера, ниту викендов, ниту пак се јави за дискусија минатата недела. Каде беше пратеникот Филипче, изминатиов период кога местото на дебата е во Парламентот?

И откако сè ќе помине, еве го Филипче прв да се јави со празни и бесцелни прес-конференции“.

Од друга страна, додаваат од владејачката партија, како продолжена рака и чувар на претседателското партиско столче на Зоран Заев, Филипче им дава насоки на пратениците од пратеничката група на СДС да ги напуштат работните групи за важни закони како што е Изборниот законик.

„Во однос на Реформската агенда, по односот што го имаат кон Изборниот законик, можеме да заклучиме само едно нешто. СДС на Венко Филипче со нивниот неформален коалициски партнер Левица, прават се да ја блокираат државата и да го спречат напредокот на патот кон полноправно членство во Европската Унија.

Друго оправдување за нивните постапки и намера по секоја цена да го спречат носењето на реформскиот Изборен законик со кој, меѓу другото се проширува и олеснува остварувањето на демократското право на глас за дијаспората, нема“.

Текстот Пратеникот Филипче никаде го нема кога се дискутира за суштински прашања за граѓаните и државата во македонското Собрание, велат од ВМРО-ДПМНЕ е превземен од МАКФАКС.