пред 3 години Претседателот на Бугарија, Румен Радев, му изрази сочувство на македонскиот претседател Стево Пендаровски, за тешката сообраќајна несреќа на автопатот Струма, во која загинаа 46 луѓе.
Во име на бугарскиот народ и во свое име, претседателот Румен Радев изрази искрено сочувство до семејствата и роднините на загинатите граѓани на Република Северна Македонија, како и надеж за брзо закрепнување на жртвите од катастрофата.
„Во ова тешко време, Бугарија и Република Северна Македонија делат заедничка тага, солидарност и емпатија. Десетиците изгубени животи се непростлива загуба за нашите братски земји”, се наведува во сочуството на бугарскиот претседател Радев.
Шефот на бугарската држава ги повикува одговорните институции да ги утврдат причините кои довеле до тешката сообраќајна несреќа, како и да им дадат навремена поддршка на преживеаните во несреќата.
Би можело да ве интересира
Францускиот предлог за кревање на ветото ќе биде доставен во Софија попладнево, тврдат бугарските медиуми
23-годишно момче загина на скопската обиколница
181 санкционирани возачи во Скопје, 61 за брзо возење, 30 под дејство на алкохол
(Видео) 815 казни за брзо возење на територијата на цела држава
Антикорупциската комисија продолжува со предметите за Рашковски и покрај неговата оставка
Пожар во Ресен уништи покрив од куќа, трактор и 700 гајби со јаболка
