Сали го посети Албанскиот театар по повод Меѓународниот ден на театарот

Првиот заменик-претседател на Владата и министер за европски прашања, Беким Сали, го посети Албанскиот театар по повод Меѓународниот ден на театарот, во рамки на активностите организирани за „Денови на отворен театар“.

Заедно со директорот на Албанскиот театар, Исмет Рамадани, ги посетија внатрешните простории на институцијата, каде одблизу се запознаа со условите во кои се одвива уметничката работа, како и со посветеноста на персоналот за реализација на квалитетни претстави за публиката. Воедно, беше презентиран и процесот на подготовка на претставите, сценографијата, како и континуираната работа што стои зад секоја сценска изведба.

„Посетата беше оценета како инспиративно искуство, при што беше нагласена важноста на театарот како простор за едукација, креативност и комуникација. Ентузијазмот на децата и младите беше истакнат како јасен показател дека уметноста и културата ќе продолжат да се развиваат и во иднина“, соопштија од Министерството за европски прашања.

Текстот Сали го посети Албанскиот театар по повод Меѓународниот ден на театарот е превземен од МАКФАКС.