СДСМ: Уште еден предмет за новиот обвинител – бизнис мрежата на Мицкоски

Антикорупцискиот тим на СДСМ ја разоткри бизнис мрежата на Христијан Мицкоски во енергетиката – систем во кој се испреплетени политиката и бизнис интересите, велат од СДСМ.

„Овој енергетски „октопод“ се протега од Душан Адамовиќ, функционер на сестринската СНС, преку офшор структури и „Rudnap Group“, до директни врски со Владата преку Божиновска.

Мрежата продолжува во клучни институции: во Развојната банка, каде е поставена Ефимија Димовски, сопруга на негиовиот партнер од хидроцентралите. Потоа во РЕК Битола, каде директор е Иван Куковски – семеен пријател на Мицкоски.

И конечно – во Регулаторната комисија за енергетика, со изборот на Ацо Ристов каде се носат одлуките за цените.

Сè е поврзано. Сите алки се на место. Се затвора кругот од производство и увоз на струја, преку финансии, до носење одлуки за цените.

Го потсетуваме новиот Јавен обвинител: поминаа три месеци без никаква реакција на сериозните индиции за криминалните тднери.

Време е за постапување.

Очекуваме итно постапување и за бизнис шемите на Мицкоски во енергетиката.

Да не чекаме уште три месеци. Време е за правда“, стои во соопштението на СДСМ.

Текстот СДСМ: Уште еден предмет за новиот обвинител – бизнис мрежата на Мицкоски е превземен од МАКФАКС.