пред 3 години Јавен обвинител од Основното јавно обвинителство Скопје поведе истражна постапка против 30-годишно лице од скопското село Љубин за кривично дело – Неовластено изработување, држење, посредување и тргување со оружје или распрскувачки материи според член 396 став 2 во врска со став 1 од Кривичниот законик.
Осомничениот, во неговата викенд куќа во селото Јаболце, држел експлозивна материја која на граѓаните им е забранета – една рачна бомба од непозната марка и модел. Освен ова, кај него биле пронајдени и делови од огнени оружја – рамки за автоматски и полуавтоматски пушки, како и седум испукани чаури низ дворот на оградената викендица.
Бидејќи постои опасност осомничениот да се даде во бегство за да го избегне кривичниот прогон, јавниот обвинител до судијата на претходна постапка од Основниот кривичен суд Скопје достави предлог за определување мерка притвор.
Би можело да ве интересира
Реновиран уште еден дел од Клиниката за ортопедија
Регистрирани 3 новозаразени и 2 починати со коронавирус
Облачно време со врнежи од дожд, температурата до 14 степени
ССКМ: Мерките за помош на стопанството да се донесат во јануари
Се намалува бројот на сообраќајни незгоди
Поведена постапка против државјанин на Албанија за продажба на кокаин
