пред 3 години Министерот за информатичко општество и администрација, Јетон Шаќири, денес учествуваше и им се обрати на работните групи на семинарот за Реорганизација на државна администрација и менаџмент на промени и семинарот за ефикасност на јавните институции.
Учесници на овие два семинари беа претставници од сите министерства и странски и домашни експерти вклучени во овој важен проект.
„Ние сме решени да го однесеме овој проект напред, да ја оптимизираме целокупната институционална рамка, да ја подобриме испораката на јавните услуги, да ги зајакнуваме етиката, интегритетот, транспарентноста и отчетноста на јавната администрација, и меѓу друго да спроведуваме функционална анализа и да донесуваме нов Закон за организација на органите на државната управа” истакна министерот Шаќири.
На состанокот министерот спомна дека без реорганизација на органите на државната управа и елиминирање на преклопувањата на надлежностите не постои вистинска реформа на јавната администрација.
„Заложбите не Владата на Република Северна Македонија се во насока на интеграција на државата во Европската унија, а ова зависи од капацитетот на јавната администрација да го транспонира европското законодавство и да обезбеди соодветна примена”, рече министерот Шаќири.
На крајот на говорот министерот истакна дека имплементацијата на препораките е од особена важност, не само за самиот процес туку и за идните трансформации во институциите.
Би можело да ве интересира
МВР: Го испитуваме постапувањето на полициските службеници во врска со поплаката против новинарката Делевска
Поднесено обвинение за професорот од Струга кој со боксирач удрил ученик
Владата го прогласи Малешево за заштитен предел
(Видео) Милошоски: Заев не е ајатолахот од Иран па да одлучува кој има морална обврска да поднесе оставка
Османи утре во Анталија на состанок со шефовите на дипломатиите на земјите членки на ПСЈИЕ
Пензионираниот генерал Ристо Дамјановски почина од компликации со Ковид-19
