Битолчанец загина на работното место, негов колега тешко повреден

Во СВР Битола, вчера во попладневните часови било пријавено дека во фирма во Битола, додека извршувале работни задачи, со тешки телесни повреди се здобиле М.Ј.(59) и М.Ш.(45), двајцата од Битола.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Како што информираат од МВР, од здобиените повреди, М.Ј. починал на местото на несреќата, а смрт констатирал лекар од итна медицинска помош. Неговиот 45-годишен колега бил пренесен во Клиничката болница Битола за укажување на лекарска помош.

Претходно, медиумите пренесоа дека станува збор за работници кои растоварале гранитни и мермерни плочи од кои подоцна се изработуваат надгробни споменици.

Полициски службеници и трудов инспектор излегле на лице место, а по наредба на јавен обвинител телото на починатиот е предадено на обдукција.