пред 4 години Додека Шилегов сече и уништува здрави дрва, од друга страна набавува садници по енормно висока цена. Вредноста на рамковната спогодба за набавка на садници изнесува 9,5 милиони денари, изјави Марија Митева, портпаролка на ВМРО-ДПМНЕ.
„Само во радиус од 200м од ул. Орце Николов каде Шилегов и Богдановиќ уништија здрави дрва, има обележано над 50 суви дрва кои некое време чекаат да бидат отстранети и претставуваат вистинска опасност за безбедноста на граѓаните. Такви дрва има во Градскиот парк во Скопје, има и на ул. Рузвелтова точно пред пунктот кај дрворедот“, рече Митева.
Според неа, согласно Законот за урбано зеленило еден од основните принципи за заштита и унапредување на зеленилото е Одржливоста со која се обезбедува соодветно користење на постојните зелени површини, нивно зачувување, заштита и унапредување, во согласност со воспоставени стандарди и нормативи.
„Очигледно Шилегов нема стратегија за одржлив развој на Град Скопје, напротив спроведува постапки за јавна набавка на урбана опрема и зеленило по енормно високи цени. Дополнително, оние кои се занимаваат со оваа професија велат дека понудените цени за садниците во јавната набавка се повисоки од реалната цена“, рече Митева.