пред 2 години Во услови на светска економска криза која ја погоди и македонската економија, Владата предводена од СДСМ презема навремени и ефикасни мерки кои го штитат стандардот на граѓаните и обезбедуваат помош за компаниите, изјави на прес-конференција пратеничката на СДСМ, Фаница Николовска.
Таа рече дека минималната плата порасна на историски највисоки 18.000 денари, што е за двојно повеќе отколку пред четири години. Вели дека денес, две минимални плати се доволни да се покрие синдикалната потрошувачка кошнчка која за март изнесува 36.768 денари. Пред неколку години, рече Николовска, за да се покрие минималната кошничка беа потребни над четири минимални плати.
Додаде дека покрај минималната плата, растат и платите во образованието, здравството, градинките, одбраната, полицијата, културата и јавната администрација.
Како што најави, со растот на минималната плата ќе следува усогласување на сите плати, согласно рокот предвиден во Законот за минимална плата.
Би можело да ве интересира
Повисоки плати за вработените во Пошта од јуни и август, понудено е решение за прекин на штрајкот
Ковачевски-Мецола: Поддршката на Европскиот парламент значајна за проширувањето на земјите од Западен Балкан
СДСМ: Aрсовска е иста како нејзиниот ментор Груевски, се противи парите да завршат кај граѓаните
Филипче: Сите вакцини се безбедни
Филипче: Од април очекуваме масовна вакцинација на населението
Јаневски: Зелен коридор за брзо и безбедно патување во регионот
