пред 3 години Во недела на локалните избори во Куманово има само еден социјалдемократски кандидат, тоа е Оливер Илиевски, истакна на денешната прес-конференција, Мартин Костовски, пратеник и претседател на кумановскиот огранок на СДСМ.
„Максим Димитриевски кој лажно се претставува како социјадемократ е инсталација, кукавичко јајце подметнато од ВМРО-ДПМНЕ, партијата која 30 години сонува да победи во Куманово.
И самиот кандидат на ВМРО-ДПМНЕ за првиот круг јавно кажа дека од партијата не добил никаква поддршка, дека членовите на ВМРО-ДПМНЕ го поддржувале Максим Димитриевски.
За вториот круг Димитриевски доби и јавна поддршка од ВМРО-ДПМНЕ на која срдечно се заблагодари и истата ја потврди“, истакна претставникот на СДСМ.
Како што кажа Костовски, низ Куманово со денови се зборува дека Димитриевски веќе го поделил и колачот со ВМРО-ДПМНЕ ветувајќи им вработувања, директорски места и раководни позиции во општината, во училиштата и во јавните претпријатија, ако тој победи.
„Сите знаеме дека Куманово секогаш било на вистинската страна, дека секогаш пркосело на режимите и неправдите и така ќе биде и овој пат“, нагласи Костовски додавајќи дека глас за Димитриевски е глас за ВМРО-ДПМНЕ.
Би можело да ве интересира
Претрес во Кичево, приведен дилер, пронајден кокаин
Османи: Со Бугарија годинава имавме динамичен и интензивен дијалог за надминување на разликите
Тешка сообраќајка во Куманово, еден загинат – со автомобил удрил во луѓе кои се качувале во друго возило
Тројца повредени во судир на две возила на „Партизанска“
Мицкоски: За два дена се собрани 45 илјади потписи против фалсификат попис – македонската пролет доаѓа
СДСМ: ВМРО-ДПМНЕ продолжува да дејствува опасно по јавното здравје
