ВМРО-ДПМНЕ: Македонија со Филипче ја има само на листата на починати, но не на онаа кои вакцинираат против корона

Македонија со министерот за здравство, Венко Филипче ја има само на листата на починати, но не на онаа кои вакцинираат против корона, велат од ВМРО-ДПМНЕ.

Од партијата упатуваат пофалби за Србија, откако српскиот претседател Александар Вучиќ и рускиот, Владимир Путин постигнаа иницијален договор за производство на руската вакцина во Србија.

„Група екссперти следната недела доаѓа в Србија за старт на прозиводство на руската вакцина во Србија. Ова вчера беше вест во светските медиуми. По број на жители најмногу вакцинирани има во Израел, Велика Британија и САД, а на четврто место на светската листа е Србија.

Македонија ја нема на листите за тоа колку лица се вакцинирани, затоа што нема вакцини, ама ја има на листите за број на заболени и починати. И тука котира високо затоа што има скоро три илјади починати или околу илјада и петстотини починати на милион жители.

Ова е резултат од (нe)работата на Филипче. Ова е резултат на тоа што Филипче се возеше на КОВАКС механизмот.
Ова е резултат на непреговарањето со прозиводителите на вакцини. Ова е резултат на бирањето/одбивањето од каде вакцини, а во суштина никој не ги ферма надлежните во Македонија. За ова одговорност мора да има“, велат од ВМРО-ДПМНЕ.