ВМРО-ДПМНЕ: Претходната власт отпишала 14 милиони евра побарувања на МЕПСО кон неколку фирми трговци со струја

Кој од врвот на СДСМ и ДУИ подели 14 милиони евра со фирмите чии долгови ги отпиша МЕПСО, прашува ВМРО-ДПМНЕ преку соопштение.

Од тука велат дека СДСМ и ДУИ го искористиле енергетскиот сектор за лично богатење.

„Од Вице и Зоран Заев, преку Венко Филипче и брат му, до внуците на Ахмети и синот на Муса Џафери во изминативе 7 години сите влегоа во бизнисот со струја. Од нив синот на Муса Џафери доби и отпишување на милионски долг од страна на МЕПСО.

Несфатливо е како власта на СДС и ДУИ собрала храброст да отпише 14 милиони евра побарувања на МЕПСО кон неколку фирми трговци со струја. Кој е тој од врвот на власта кој ја поделил сумата од 14 милиони евра со фирмите должници?

Не е чудо зошто ЈО и судството под контрола на СДС и ДУИ молчат за ова. Овој пример со отписот на 14 милиони евра е една од причините зошто СДС и ДУИ се плашат од реформите во судството.

И СДС и ДУИ знаат дека со реформирано ЈО и судство ќе треба да одговараат за големиот криминал во МЕПСО, затоа со последни сили се борат да задржат свои пулени правосудството.

За делото на СДС и ДУИ ограбена држава, одговорност ќе има. Ништо нема да ги спаси“, се вели во соопштението на ВМРО-ДПМНЕ.

Текстот ВМРО-ДПМНЕ: Претходната власт отпишала 14 милиони евра побарувања на МЕПСО кон неколку фирми трговци со струја е превземен од МАКФАКС.