пред 6 месеци Претседателот на Собранието, Африм Гаши, денеска оствари средба со амбасадорот на Бугарија во Скопје, Ангел Ангелов, на која се разговараше за односите меѓу двете земји и за можностите за унапредување на соработката на сите полиња.
Честитајќи му го изборот на функцијата на претседателот Гаши, амбасадорот Ангелов се осврна на претстојните парламентарни избори во Бугарија, како и на изборите за Европскиот парламент. Тој изрази уверување дека новоизбраните парламенти во Северна Македонија и во Бугарија ќе воспостават добра и интензивна комуникација, особено преку парламентарните групи за соработка.
Двајцата соговорници се согласија дека е потребно постојано да се унапредува климата на односите меѓу Северна Македонија и Бугарија како соседни земји што се упатени на постојана соработка.
Соговорниците исто така разменија мислења и за соработката меѓу двете земји во рамките на НАТО, како и за ЕУ-перспективите на нашата земја во наредниот период.
Текстот Гаши се сретна со бугарскиот амбасадор: Потребно е постојано да се унапредуваат односите е превземен од МАКФАКС.
Би можело да ве интересира
Манолева за Леонид Индов: Родителите немаат побарано мислење дали е можно лекувањето или рехабилитацијата да се заврши кај нас
Кинотека ја одбележува 70-годишнината од првиот македонски игран филм – Фросина
Сончево и студено со утринска температура под минус 10
Од крајот на март до средината на мај ќе се реновира пистата на скопскиот аеродром
Приведено лице за давање поткуп за гласови во општина Лозово
СДСМ: Зоран Заев силно се бори за татковината, а ВМРО-ДПМНЕ навива против интересите на граѓаните
