Град Скопје: СДСМ го остави градот во долгови, по четири години недомаќинско раководење

Град Скопје ниту може, ниту пак има какви било ингеренции за креирање и имплементација на енергетски и економски политики кои би ја решиле оваа криза од која најголемите штети ги трпат токму граѓаните. Небулозни се тврдењата на СДСМ кои го оставија градот во долгови, после четири години недомаќинско раководење со градот од страна на нивниот градоначалник и го оставија градот презадолжен од долгови наследени токму од СДСМ, за сега да зборуваат за работењето на оваа градска администрација, одговараат од Град Скопје на реакцијата на СДСМ.

„Надлежностите се јасни и токму Владата предводена од СДСМ е таа која треба да преземе одговорност на национално ниво и покаже вистинска грижа за граѓаните, преку носење на сет од мерки за намалување на економскиот и енергетски шок со кој се соочуваме сите. Во време на најави за енергетска и економска криза уште месеци наназад, додека земјите од регионот, но и цела Европа креираат политики за брзо надминување на енергетската криза без притоа да има удар врз џебот на граѓаните, СДСМ креираше политики како секојдневно да манипулира со јавноста, упорно посочувајќи го градот и оваа градска власт како виновник за нивните поразителни политики“, се наведува во нивната реакција.

Градот во оваа ситуација, велат од таму, може да помогне со давање на предлог мерки за надминување на енергетската криза.

„Тоа е она што го гледаме како примери во европските земји и можеме да го понудиме и ние“, потенцираат од Град Скопје.