пред 4 години Вицепремиерот задолжен за европски прашања, Никола Димитров, денеска ко-претседаваше со Заедничкиот мониторинг комитет, највисоко тело во рамките на користењето на ИПА фондовите, а во кое учествуваат претставници на Генералниот директорат за соседство и преговори за проширување на Европската комисија, ИПА структурата, донатори и граѓански организации.
„Само преку искрен пристап кон отворените прашања и преку отворена комуникација со сите чинители во спроведување на ИПА може да ги придвижиме работите. На вистината и на проблемите мора да им погледнеме во очи за да ги надминеме предизвиците“, истакна Димитров.
На состанокот беа усвоени заеднички заклучоци кои ќе придонесат кон унапредување на утврдените слабости на системот. Секретаријатот за европски прашања редовно ќе го следи исполнувањето на овие заклучоци и препораки со строго утврдени рокови.
Покрај генералното спроведување на ИПА, административните капацитети, големите инфраструктурни проекти, на состанокот се дискутираше и за проектите како што се градење на колекторскиот систем во Скопје, градење на железницата кон Бугарија, експресниот пат Градско Дреново, проектот за поддршка на туризмот.
Со состанокот ко-претседаваа вицепремиерот Никола Димитров и претставникот на Европската комисија, Дејвид Кален.
Би можело да ве интересира
Обвининение за тројца гинеколози кои на родилката во Струга и’ отстранија здрави органи
Работник загина во фирма во Скопје, врз него паднала бандера
ВМРО-ДПМНЕ: Два дена молк од Заев, Димитров и Османи за средбите во Софија
Шахпаска: Раното откривање на болеста е важен фактор за зачувување на здравствената состојба на секоја жена
Променливо облачно време со повремени врнежи
Владата не ги усвои новите мерки против коронавирусот, прво треба да се смени законот
