До 11 часот гласале 10,1 отсто од избирачите, најмногу во Пробиштип, намалку во Сарај

Одѕивот до 11 часот на вториот круг од локалните избори изнесува 10,1 проценти.

Според информациите на Државната изборна комисија, највисока е излезноста во Пробиштип каде гласале 22 проценти од избирачите, а висока излезност има и во Лозово и Крушево, со околу 20 и 19 отсто. Најниска е излезноста во Сарај со 1,86 отсто и Чаир со 2 проценти.

Излезеноста на гласачите во Град Скопје до 11 часот изнесува 8,30 проценти.

Оценето е дека гласањето тече без проблеми, а единствениот застој бил забележан во Дојран, каде поради технички проблем со уред за биометриска идентификација имало краток прекин, кој бил веднаш отстранет. Во вториот круг се гласа во 32 општини и Градот Скопје, на 1.771 избирачко место, а право на глас имаат 1.013.375 граѓани.

Првичните неофицијални резултати ќе бидат објавени по 20 часот. Некаде околу 23 часот, се очекува да бидат познати сите резултати од гласањето на изборите во вториот круг.

Текстот До 11 часот гласале 10,1 отсто од избирачите, најмногу во Пробиштип, намалку во Сарај е превземен од МАКФАКС.