Жител на Шипковица го предизвикал пожарот, запалил отпад до шумата

Полицијата вчера затекнала жител на Шипковица како запалил отпад во дворот на угостителски објект во близина на шумата. Пожарот бил изгаснат, а повредени лица нема.

„ На 10.08.2021 во врска со пожарот кај влезот во тетовското село Шипковица, пријавен во 19.40 часот во Полициското одделение Попова Шапка, полициски службеници го затекнале Н.Б.(58) од Шипковица, кој во дворот на угостителски објект кој граничи со шумата, запалил смет и други отпадни работи“ сооопшти МВР.

Во кооординација со Јавен обвинител со него е извршен службен разговор, а по целосно расчистување и документирање на случајот ќе следува соодветен поднесок.