Заробена култура, „исчезнати“ фондови, наследството што ДУИ им го остави на Албанците, велат од „Вреди“

Повеќе од 20 години на власт, Демократската унија за интеграција (ДУИ) ја заборави албанската култура. Претставувањето на албанските уметници стана спорадично, финансирањето беше политизирано, а културните институции беа претворени во алатки на партиска пропаганда или извори на сериозна финансиска злоупотреба, велат од „Вреди“.

„Еве ги фактите што зборуваат сами за себе: Филхармонијата со само 4% застапеност на Албанците. Операта и Балетот со само 1% застапеност. Агенцијата за филм затворена за албанските уметници. Националните фестивали, театрите и институциите за културно наследство беа заробени од клиентелистичка мрежа и затворени за албанските творци.

Уште полошо, културата не само што беше занемарена, туку во некои случаи беше користена како инструмент за лично богатење и злоупотреба на јавни средства“.

Најскандалозниот случај за кој посочуваат од „Вреди“ е изградбата на новата зграда на Театарот и Библиотеката во Тетово, каде што, според официјалните информации, како што е истакнато во реакцијата од оваа партија, во тек е судски процес поради сомнежи за злоупотреба на 13 милиони евра.

„Одговорностите се јасни, и никој не може да избега од минатото што сами го имаат создадено.

Денес, кога „Вреди“ е дел од Владата, не бегаме од одговорност — но и не дозволуваме оние што ја уништија албанската култура, денес да се претставуваат како нејзини „заштитници“.

„Вреди“ секогаш ќе стои на страната на еднаквоста, заслугите и националното достоинство.

Културата не е празничен декор, туку суштински дел од општеството.

Текстот Заробена култура, „исчезнати“ фондови, наследството што ДУИ им го остави на Албанците, велат од „Вреди“ е превземен од МАКФАКС.