Кавадарчани ќе уживаат во зимските спортови, почнува изградбата на скијачки центар, најави Јанчев

Од оваа зима кавадарчани ќе уживаат и во зимските спортови, вели градоначалникот на Кавадарци, Митко Јанчев.

„Општина Кавадарци денес доби голема донација, која означува почеток на развој на зимските спортови, во кои ќе уживаат сите генерации.
Денес, со одлука на Совет на Општина Кавадарци, нашиот убав град прими донација од 231.660,00 евра, од кои 115.000,00 евра се донација од Комерцијална банка и 115.000,00 евра се донација од „Кожувчанка“ ДОО.
Оваа донација е во материјални добра и услуги:
– ски-лифт во должина од 370 м, со капацитет од 600 лица на 1 час;
– скијачки појас со капацитет од 800 лица;
– четири сезонски вртелешки;
– мобилна пумпа;
– црево со висок притисок 5 броја x 20 метри мах 20 бар;
– филтри 4 броја;
– хидрант 4 броја;
– снежни топови 2 броја;
– заштитна мрежа 20 броја.
Градоначалникот Митко Јанчев вети во предизборната програма, а од денес овој проект станува реалност“, објави Јанчев.

„Во претстојниот период почнува изградбата на овој скијачки центар, а веќе во декември тој ќе биде во функција.
Кавадарци за сите“, додава Јанчев.

ПР

Текстот Кавадарчани ќе уживаат во зимските спортови, почнува изградбата на скијачки центар, најави Јанчев е превземен од МАКФАКС.