пред 3 години Премиерот Димитар Ковачевски денеска ја прими британската амбасадорка Рејчел Галовеј која што на премиерот и на новата Влада им посака успешен мандат и остварување на програмските приоритети.
Како што се наведува во владиното соопштение, премиерот на средбата ја изразил благодарноста на Владата и на граѓаните за традиционалното пријателство со Обединетото Кралство.
Галовеј потврдила дека Обединетото Кралство останува силен поддржувач на клучните реформски процеси во Северна Македонија.
„Како силен и долгогодишен партнер на Северна Македонија ги поддржуваме нејзините аспирации да стане членка на Европската Унија. Ќе продолжиме да работиме заедно за просперитет на земјата во насока на економска соработка и ќе продолжиме да ја поддржуваме енергетската стратегија на Северна Македонија и нејзината посветеност за целосна и одржлива транзиција кон обновливи извори на енергија“, рекла британската амбасадорка на средбата.
Би можело да ве интересира
Град Скопје за новогодишната прослава: Изведувачите, озвучувањето и осветлувањето не беа ангажирани од нас
Казнети 173 возачи во Скопје, 48 за брзо возење
ДУИ: 130 милиони денари за фекална и атмосферска канализација во Гостивар
ДЕ-ИНВЕСТ – дел од успешната приказна со раст во ЕУ, Југоисточна Европа, Азија и Средниот Исток
Мицкоски: Развојот на моториката на децата е со читање и со пишување
МВР: 32 казни за неплаќање патарина и користење „флешери”, казни и за шест полицајци
